ف حضن الليل
ف حضن الليل الساكن جوايا..
بتمنى الأمل.. يطلع ليا نهار ..
او يسكن ف الضلمة القمر..
بمسك بأديا نجوم..
تدوووووور ف سمايا..
افرد شراع سفنتي..
و أنوي ع السفر ..
تاخدني بلاد... ترميني بحور..
على موج خايف م السهر..
أكتب على رمل الشطوط..
فين بلاد الشاطر حسن ؟!
أدخل جوه كتاب الحواديت..
القاني أميرة .. القاني أميرة تايهه ف الزحمة..
تخطفني عقارب الساعة ف متاهه
بعيييييييد وتسبني..
الم بسرعة ضفايري و الباقي مني ف مرايتي..
و اتوضا
من نهر الشوق يمكن القاه جاي بكره .
العلامات:
شعر